सध्या लॉकडाऊन असल्याने हातावर पोट असणाऱ्या अनेक कटूंबासमोर दोन वेळच्या जेवणाची भ्रांत आहे. घरातील कर्ता माणुसच घराच्या बाहेर पडू शकत नसल्याने घरात पैसा कसा येणार, हा प्रश्न रोजच्या कमाई करणाऱ्यासमोर उभा राहिला आहे. घरात पैसा नसल्याने धान्य आणने आवघड आहे. याची दखल घेत सय्यद अल्ताफ यांनी तातडीने धान्याची व्यवस्था केली. अल्पावधीतच किराणा सामानाची यादी तयार करून किमान 15 ते 20 दिवस पुरेल इतके धान्य व आवश्यक किराणा साहित्याची किट तयार करण्याचे काम हाती घेण्यात आले. केवळ राणीसावरगावच नाही तर परिसरातील काही गावांपर्यत त्यांच्या किटचे वाटप झाले आहे. दोन दिवसातच तब्बल 200 ते 250 किटचे वाटप करण्यात आले. या संदर्भात त्यांनी फोटो काढले नाही आणि मदत करतांना प्रसिध्दी नको असल्याचे त्यांनी सांगितले आहे मात्र अडचणीत असणाऱ्या लोकांना सहकार्य करतच आहेत