प्रत्येक पाच वर्षांला विकास करतो म्हणता साहेब....आता लई खवळली जनता साहेब
लोकांना तुम्ही वेड्यात काढता
पाच वर्षे जनतेला वनवासात धाडता
कुंभकर्णा सारखे पाच वर्षांला जागता साहेब
आता लई खवळली जनता साहेब...
घरातल्या तुमच्या प्रत्येकाला उमेदवारी
जशी निवडणूक म्हणजे तुमची मक्तेदारी
विकास न करता घर कसे भरता साहेब
आता लई खवळली जनता साहेब...
विकासाच्या नावानं आपल्या बोंबा
पुन्हा यांना निवडून नका देऊ सांगा
विद्वान जनता , बुद्धीवान हवा नेता साहेब
आता लई खवळली जनता साहेब...
कवी:- संभाजी महामुने
राणीसावरगावकर
टिप्पण्या