परळीत मराठा क्रांती मोर्चाचे आमरण उपोषण

 मराठा समाजाला आरक्षण ठरलेल्या वेळेत न दिल्याने परळीत पुन्हा रविवार पासून मराठा क्रांती मोर्चाने आपले रोखठोक आंदोलन सुरू केले आहे. याआधी परळी मध्ये केलेले क्रांतिकारी ठिय्या आंदोलन राज्यभर गाजले होते. मराठा क्रांती मोर्चाचे समन्वयक अमित घाडगे,देवराव लुगडे यांच्यासह समाजबांधव परळी तहसील समोरील प्रांगणात आमरण उपोषणास बसले आहेत.

याच तहसीलच्या मैदानावर 21 दिवस चाललेल्या ठिय्या आंदोलनाने राज्य सरकारच्या तोंडचे पाणी पळाले होते. सरकाने दिलेल्या कालमर्यादेत एकही मागणी पूर्ण न झाल्याने परळीत पुन्हा तहसील कार्यालयासमोर रविवार 25 नोव्हेंबर पासून अमरण उपोषण सुरू करण्यात आले आहे. या उपोषणाला पाठींबा देण्यासाठी विविध गावातील मराठा समाजबांधव साखळी उपोषण करण्यात येणार आहे. याच आंदोलनाचा एक भाग म्हणून सोमवार 26 रोजी परळी तालुक्यातील नागापूर येथील समाजबांधवांनी या आंदोलनात सहभागी होऊन सरकार बद्दल तीव्र निषेध व्यक्त केला. या आंदोलनासाठी नागापूर येथून धनंजय सोळंके,माणिक सोळंके,संतोष सोळंके,परमेश्वर अण्णा सोळंके यांच्यासह शेकडो नागरिकांनी सहभाग नोंदविला.

मराठा समाजाला आरक्षण देत असताना भूतकाळाप्रमाणे दिशाभूल न करता ठोस आणि कायमस्वरूपी टिकणारे आरक्षण देण्यात यावे, कोपर्डी घटनेतील आरोपीला फाशीची शिक्षा देण्यात यावी,अण्णासाहेब पाटील आर्थिक विकास महामंडळाच्या नावांमध्ये मराठा नावाचा उल्लेख करावा व कर्ज वितरणाची प्रक्रिया सुलभ व सुटसुटीत करून बँकांना कर्जवितरण सक्तीचे करावे,मराठा आरक्षणाच्या आंदोलनाच्या दरम्यान शहीद झालेल्या मराठा आंदोलकांच्या कुटुंबीयांना तात्काळ आर्थिक मदत करावी,आपल्या न्याय हक्कासाठी आंदोलनात उतरलेल्या मराठा आंदोलकांवरील गुन्हे तात्काळ मागे घेण्यात यावेत अशा या आंदोलांकर्त्यांच्या मागण्या आहेत.