मुंबई: विजय सिंह या तरुणाच्या कोठडीतील मृत्यूला जबाबदार धरून वडाळा ट्रक टर्मिनस पोलीस ठाण्यातील सहायक पोलीस निरीक्षक व उपनिरीक्षकासह पाच पोलिसांवर निलंबनाची कारवाई करण्यात आल्यानंतरही तणाव कायम आहे. विजयच्या मृत्यूला कारणीभूत असलेल्या पोलिसांवर गुन्हा दाखल करण्याच्या मागणीवर त्याचे कुटुंबीय व नातेवाईक ठाम असून संबंधितांवर गुन्हा दाखल होईपर्यंत विजयवर अंत्यसंस्कार केले जाणार नाहीत, असा पवित्रा कुटुंबीयांनी घेतला आहे. दरम्यान, वडाळा टी टी पोलीस स्टेशनबाहेर तणावाचे वातावरण असून जमावाला पांगवण्यासाठी पोलिसांना लाठीचार्ज करावा लागला आहे.
वडाळा टी टी पोलीस स्टेशन परिसरात सध्या मोठ्या प्रमाणात पोलिसांचा फौजफाटा तैनात करण्यात आला आहे. या भागात विजयचे कुटुंबीय, नातेवाईक व अन्य लोकांचा जमाव झाला असून काही नातेवाईकांनी बेस्टच्या एका बसलाही लक्ष्य केले आहे. बस अडवून बसवर दगडफेक करण्यात आली असून यात बसच्या काचा फुटल्या आहेत. त्यामुळेच तणावात अधिकच भर पडली आहे.मिळालेल्या माहितीनुसार, विजयच्या मृत्यूला जे अधिकारी व पोलीस कारणीभूत आहेत त्यांना केवळ निलंबित करून चालणार नाही तर या सर्वांवर रीतसर गुन्हे दाखल व्हायला हवेत, अशी कुटुंबीयांची ठाम मागणी आहे. ही मागणी मान्य होईपर्यंत विजयवर अंत्यसंस्कार केले जाणार नाहीत, असा पवित्रा नातेवाईकांनी घेतला आहे.
दरम्यान, ॲन्टॉप हिल येथे रविवारी रात्री दोन गटांत हाणामारी झाली होती. याबाबतची माहिती मिळताच वडाळा टी टी पोलिसांचे पथक घटनास्थळी पोहचले होते. तिथून दोन्ही गटातील काही जणांना पोलिसांनी पोलिस ठाण्यात आणले. त्यानंतर गुन्हा दाखल करण्याचे काम सुरू असताना विजय सिंह या तरुणाच्या छातीत दुखू लागले. त्याला नातेवाईकांनी तत्काळ सायन येथील लोकमान्य टिळक रूग्णालयात नेले. मात्र डॉक्टरांनी तपासून त्याला मृत घोषित केले. या घटनेनंतर विजयचा मृत्यू पोलिसांच्या मारहाणीमुळे व निष्काळजीपणामुळे झाल्याचा आरोप कुटुंबीयांनी केल्याने वाद उभा राहिला आहे. संतप्त नातेवाईकांनी आज वडाळा टीटी पोलीस स्टेशनबाहेर ठिय्या देत निदर्शने केली. त्यानंतर या प्रकरणाची दखल घेत मुंबईच्या पोलीस आयुक्ता