मुंबई : महाराष्ट्रात सत्तासंघर्ष तीव्र झालेला असतानाच विविध पक्षांचे शीर्ष नेते एकमेकांच्या भेटीला जाताना दिसत आहेत. त्यातच आता रिपाइं अध्यक्ष रामदास आठवले राष्ट्रवादीचे अध्यक्ष शरद पवार यांच्या भेटीला (Ramdas Athawale meets Sharad Pawar) आले. भर पावसात आठवले शरद पवारांच्या भेटीला गेले होते.महायुतीचा भाग असलेल्या ‘रिपब्लिकन पार्टी ऑफ इंडिया’चे सर्वेसर्वा रामदास आठवलेंनी पवारांची भेट घेतल्याने राजकीय तर्कवितर्कांना उधाण आलं होतं. आघाडी सरकारच्या काळात राष्ट्रवादीसोबत असलेले आठवले नंतर मात्र महायुतीच्या गोटात सहभागी झाले होते.