आज कर्नाटकमध्ये राज्यांतर्गत रेल्वे वाहतुकीला रेल्वे बोर्डानं परवानगी दिली. कर्नाटकमध्ये बंगळुरु ते म्हैसूर, बंगळुरू ते बेळगाव अशा दोन ट्रेन सुरू करण्यात येणार आहेत. त्यामुळे अशा प्रकारे राज्यांतर्गत ट्रेन सुरु करायला परवानगी मिळालेलं कर्नाटक हे देशातलं पहिलं राज्य ठरतंय. महाराष्ट्रात स्थलांतिरत मजुरांची संख्या सर्वाधिक आहे, अशावेळी महाराष्ट्रातही अशा ट्रेन सुरु होण्याची गरज व्यक्त होत आहे. पंतप्रधानांसोबत सर्व राज्यांच्या मुख्यमंत्र्यांची एक बैठक झाली होती. त्या बैठकीत मुंबईत अत्यावश्यक सेवेत काम करणाऱ्या लोकांसाठी नियंत्रित पद्धतीनं लोकल सुरु व्हावी अशी मागणी मुख्यमंत्री उद्धव ठाकरे यांनी केली होती. मात्र, अद्याप त्या दिशेनं कुठली हालचाल अद्याप दिसत नाहीय. त्या पार्श्वभूमीवर आता युथ काँग्रेसनं रेल्वे महाराष्ट्रावर अन्याय करत असल्याचा आरोप केलाय.